सहमति !

 सहमतिका लागि
सहमतिबाट सहमति सुरु हुन्छ
र, सहमति पछि
सहमति तोड्ने अर्को सहमति बन्छ ।

सहमति एक निरन्तर क्रम पनि हो

र, सहमति एक निरन्तर भ्रम पनि हो !

सहमति–

सरकार बनाउन चाहिन्छ

सरकार बचाउन चाहिन्छ

सरकार गिराउन चाहिन्छ

र, देश टुक्र्याउन पनि सहमति चाहिन्छ  ।

सहमति–

चोर–चोरबीच हुन्छ

साधु–साधुबीच हुन्छ

र, सहमति चोर र साधुबीच पनि हुन्छ

सहमति–

नेता–नेताबीच हुन्छ

वेश्या–वेश्याबीच हुन्छ

महात्मा–महात्माबीच हुन्छ

र, सहमति नेता–वेश्या र महात्माबीच पनि हुन्छ  !

चलेको छ–

संसार, समय र मान्छे

पेशा, सँस्कार र सहवास

सबै सहमतिमा !