एउटा हात उठाऊ !

'तिमीसँग दुई हात छन् 

एउटा उठाऊ 

कसैका लागि हैन,

आफ्नै लागि उठाऊ

आफ्नै देशका लागि उठाऊ !'

*****

तिमीसँग दुई हात छन् 

एउटा उठाऊ !

त्यो हात–

त्यो कसैका विरुद्ध हैन, 

सबैका लागि उठाऊ !

त्यो हात–

अरूका लागि हैन,

तिम्रा लागि तिम्रै विरुद्ध उठाऊ !

त्यो हात– 

भ्रष्टाचार विरुद्ध उठाऊ

दुराचार विरुद्ध उठाऊ

अन्याय विरुद्ध उठाऊ 

अत्याचार विरुद्ध उठाऊ

हिंसा विरुद्ध उठाऊ

क्रूरता विरुद्ध उठाऊ 

लुटतन्त्र विरुद्ध उठाऊ 

माफियातन्त्र विरुद्ध उठाऊ !

तिमीसँग दुई हात छन् 

एउटा उठाऊ !

त्यो हात–

त्यो कसैका विरुद्ध हैन, 

सबैका लागि उठाऊ !

त्यो हात–

अरूका लागि हैन,

तिम्रा लागि तिम्रै विरुद्ध उठाऊ !

त्यो हात– 

भ्रष्टाचार विरुद्ध उठाऊ

दुराचार विरुद्ध उठाऊ

अन्याय विरुद्ध उठाऊ 

अत्याचार विरुद्ध उठाऊ

हिंसा विरुद्ध उठाऊ

क्रूरता विरुद्ध उठाऊ 

लुटतन्त्र विरुद्ध उठाऊ 

माफियातन्त्र विरुद्ध उठाऊ !

त्यो हात–

आफ्नै निरिहता विरुद्ध उठाऊ

आफ्नै निष्क्रियता विरुद्ध उठाऊ 

आफ्नै मौनता विरुद्ध उठाऊ !

त्यो हात– 

आफैंलाई उठाउन उठाऊ

आफैंलाई जगाउन उठाऊ 

आफैंलाई बोलाउन उठाऊ !

आऊ– 

हामीसँग आऊ 

एउटा हात उठाऊँ 

सत्यको आवाज सुन्न उठाऊ 

मौनको बिगुल फुक्न उठाऊ ! 

तिमीसँग दुई हात छन् 

एउटा उठाऊ 

कसैका लागि हैन,

आफ्नै लागि उठाऊ

आफ्नै देशका लागि उठाऊ !

(सत्याग्रही डा. गोविन्द केसीप्रति सादर समर्पित)

बाह्रखरी, शनिबार, असोज १७, २०७७